“حابة أموت وربنا راضي عني” .. من هي زيزي عادل ؟

تصدرت الفنانة المعتزلة زيزي عادل، التريند بعد تصريحاتها الجريئة التي كشفت عنها خلال الساعات الماضية في لقائها ببرنامج “كلام الناس” المعروض على قناة MBC مصر وتقدمه المذيعة ياسمين عز. نستعرض لكم معلومات عن زيزي عادل في السطور

– من مواليد 26 أكتوبر 1987.

– لديها 3 شقيقات هم “غادة، ندى، غدير”.

– خريجة معهد الموسيقى العربية.

بدأت زيزي عادل بالغناء في كورال المدرسة .

– غنت في عيد الأم وهي في سن العاشرة من عمرها أغنية “زي الربيع”.

– بدايتها الفنية الحقيقية، كانت مع برنامج المسابقات “ستار أكاديمي 2” عام 2004

– قدمت خلال مشوارها الغنائي 3 ألبومات غنائية فقط.

– أصدرت أول ألبوماتها بعنوان “واحدة طيبة” عام 2007 مع روتانا.

– أصدرت ألبومها الثاني “وعد عليا” عام 2009 .

– أصدرت ألبومها الثالث “أنا أنثى” عام 2015 .

– قدمت 9 كليبات غنائية في مسيرتها الغنائية وهم: “حب مش محسوب عليا”، “وعد عليا”، “واحدة تانية”،”شايلاهالك”،”عيبوه كتير”،مازال البحث جاري”، “محتاجة وجود راجل”، “مستغربة”، “أبسط نفسك”.

– قامت بتلحين عدد من أغانيها بنفسها.

– قدمت أغنيتين منفردتين وهما “شايلاهالك” و”تعودت عليك” .

– غابت عن الساحة الغنائية لمدة 7 سنوات بسبب مرض والدها ورحيله.

– أعلنت اعتزال الفن والغناء في أبريل 2022.

– قالت وقت اعتزالها الفن: “أنا النهاردة طالعة أقول خبر مهم أخدته في حياتى وهو قرار اعتزالي.. قررت أسيب مهنة المطربة، والقرار أنا مخدتهوش امبارح أنا وخداه من فترة كبيرة جدا، بس يمكن مطلعتش قلت وقتها لأني كنت حابة أتكلم مع نفسي ومع الناس القريبة أوي.. الناس القريبة مني عارفين نفسهم ولما قلتلهم على القرار شجعوني ودعموني كمان، ويمكن قرار الاعتزال ده بيبعدني عن أكتر مغريات الحياة وهي الشهرة والأضواء”.

– “ببعد عن الفن عشان بقرب من ربنا، ولقيت إن القرآن بيقولي إني لازم أكون ست ملتزمة، وبحاول على قد ما بقدر أكون ملتزمة وهتستغربوا شوية اني طالعة بشعري ومش محجبة، ويمكن ده لأني لسه ربنا لم ينعم عليا بالحجاب، وبدعي ربنا يتممها عليا، وكل حاجة بتيجي خطوة خطوة ومفيش حاجة بتيجي مرة واحدة”.

– “حابة أموت وربنا راضي عني، ويمكن دي حاجة كلنا بنتمناها، فأنا مش عارفة هاموت امتى ولكن كل اللي عاوزاه أكون مستعدة لمقابلة ربنا وأقابله وأنا راضية عن نفسي وحياتي وأفعالي”.