الفنان مصطفى هريدي يهاجم إيناس الدغيدي: “هل يعقل إن منتجة ومخرجة تحط ممثل في دماغها؟”

هاجم الفنان مصطفى هريدي المنتجة والمخرجة إيناس الدغيدي.

وقال خلال تصريحات تلفزيونية: “أنا مقولتش عنها حاجة وحشة على مدار كل السنين دي لا في صحافة ولا في إعلام ولا في لقاء ولا أي حاجة أو سيرتها جت وأنا شتمت فيها ولكن من بعد الفيلم ومن بعد الإساءة اللي خدتها أنا في شغل كتير مكنتش بترشح فيه بسبب السمعة اللي طلعت عليا بسبب الفيلم بتاعها”.

وأضاف: “سافرت قعدت أربع سنين في الأردن ورجعت عشان الناس تكون نسيت وعشان الوسط يكون نسي التصريحات بتاعتها والكلام اللي قالته عني”

واستكمل حديثه: “وفوجئت إن هي مستضافة في برنامج من برامج التوك شو وبتتكلم عليا وبتسيء إليا إساءة يعاقب عليها القانون يعتبر سب وقذف في حقي بعد سبع سنين من الفيلم وهل يعقل إن منتجة ومخرجة تحط ممثل في دماغها؟ وتفضل تسئ إليه على مدار كل السنين دي؟”.

واختتم حديثه قائلا: “أنا متخذتش ضدها أي إجراء قانوني أنا كان ممكن أخد إجراء قانوني بس أنا معملتش كده عشان قضاء ربنا أقوى”.

وتأتي هذه الأزمات بينهما بعد فيلم “مجنون أميرة” والمشاهد الجريئة في الفيلم الذي قام بها هريدي