الفنان رامي صبري يكشف السبب الحقيقي وراء إلغاء حفله بالإسكندرية

كشف الفنان رامي صبري كواليس أن قرار إلغاء حفله بمدينة الإسكندرية بسبب منظمي الحفل الذي كان من المقرر إحياؤه في كلية الآداب بجامعة الإسكندرية.

وقال «رامي» عبر «فيسبوك» :«جمهوري في الإسكندرية وتحديدا طلاب كلية آداب أولًا ألف مبروك على التخرج وربنا يوفقكم دايما، ثانيا: والأهم عندي لازم تعرفوا إني بحبكم جدا جدا وبعتذرلكم تاني لعدم وجودي معاكم في حفل تخرجكم اليوم».

وأضاف:«أكيد مش أنا السبب، في سوء تنظيم كبير وعدم احترام الاتفاقات اللي تمت بيننا وبين الشركة المنظمة للحفل علشان الحفل يطلع بأحسن شكل ممكن من حيث الصوت والمسرح والشاشات وده للأسف محصلش لحد قبل الحفلة بيومين مفيش اهتمام ابدا وانا شخصيا تدخلت وقلت انه كده الحفلة هتتلغي الرد كان فيه سلبية كبيرة وعدم اهتمام بالحفل من عند الشركة المنظمة حذرت أكثر من مرة على مدار يومين مفيش فايده».

وأوضح : «موضوع الاتفاقات المادية انا المقابل المادي عندي مش اهم حاجة ولكنها من ضمن الاتفاقات. تم دفع جزء من الأجر وده الطبيعي والباقي قالولنا قبلها بأسبوع وبرضه محصلش حاجة لحد يوم الإلغاء اللي هو قبلها بيومي، كل ده بالنسبة لنا احنا كرامي صبري الحقيقة (عك كبير جدا) مرضناش نكمل فيه فتم إلغاء الحفل احتراما لينا ولجمهورنا المحترم في الاسكندرية».

واختتم : «حبيت اوضح عشان جالنا مواضيع كتيره جدا مفيش فيها ١٪؜ صح، إن شاء الله تكونو النهارده مبسوطين يا حبايبي بتخرجكم وربنا يوفقكم في حياتكم بمشاركة فرحتكم مع صديقي النجم الكبير حمادة هلال اللي هيكسر الدنيا معاكم، اشوفكم قريبا».

أعلن الفنان رامي صبري اعتذاره عن حفله بالإسكندرية الذي كان مقررًا إقامته في كلية الآداب بسبب عدم الاتفاق مع منظم الحفل.

وكتب رامي صبري على صفحته الرسمية على موقع فيسبوك: «بعتذر لجمهوري في الإسكندرية لعدم حضوري حفل كلية آداب اللي كان مقرر إقامته يوم الخميس الموافق 28/9/2023». وتابع: «لعدم التزام منظم الحفلات وليد منصور بالاتفاقات بيننا قررنا إلغاء الحفل. وشكرًا».

وكان قد شارك الفنان رامي صبري جمهوره ومتابعيه صورا له استعاد من خلالها ذكريات عمله في فرقة الفنان محمد الحلو، منذ 23 عاما تقريبا، ووجه من خلالها رسالة لجمهوره يعطيهم الأمل ليستمروا في تحقيق أهدافهم.

ونشر صبري الصورة، عبر حسابه الرسمي بموقع التواصل الاجتماعي «إنستجرام»، وعلق عليها قائلا: «صورة من 23 سنة تقريبا الفرق بينهم كبير جدا في الصورة اللي فوق كنت بشتغل كورال مع الفنان الكبير محمد الحلو وكنت وقتها ببتدي أشتغل علشان أفهم يعني إيه مسرح وجمهور وإزاي أتعامل مع الناس في الشغل».