الفنانة وفاء سالم تكشف تفاصيل محاولتها الإنتحار.. وهذا ما قالته

تحدثت الممثل المصرية وفاء سالم عن محاولتها الإنتحار، بعد تشوه وجهها بسبب حضوعها لعمليات تجميلية جرياحية.

وقالت وفاء سالم: “كان عندي حالة اسمها بوردر لاين، وهو مرض له أعراض متشابكة، زي البكاء في أي لحظة ولأتفه الأسباب، ورفض التعامل مع الناس، ولما ابني قرر يستقل عني يمكن ده سبّب لي صدمة نفسية، وحسيت إني هكمل حياتي لوحدي لإني مش عايزة ارتبط. وفي مرة كنت لوحدي في البيت في آخر دور في الفيلا، والهلاوس زادت، ورفضت كل حاجة بتحصل حواليا، وما كنتش قادرة أتحكم في تصرفاتي، وعندي نوبات هلع، وأتمنيت الموت، وفي اليوم ده حاولت أنتحر. ابني حاول ينقذني لأن صحابي كلموه بعد ما قفلت موبايلي، وسمعت صوته بينده عليا، وطفيت التلفزيون وقعدت أستغفر وأصلّي على النبي، ونزلت بنفسي في حالة غياب عن الوعي، فتحت البوابات ودخلت ابني، وأخذني في حضنه ودخلني العربية وأخذني على المستشفى. بعد علاجي وخروجي من المستشفى بدأت أتقبل فكرة استقلال ابني عني، وجربت أنشطة مختلفة، وابني قعّدني جنبه عشان يطل عليا، وقفلت فيلتي، لكن بعد فترة طلبت منه أرجع بيتي، وعشت في شقة صغيرة كنت واخداها لابني يعملها مكتب، وهدمت كل الجدران في البيت، وتخلصت من سور الشجر اللي كان بيحسسني بإنه سجن، وبدأت أزرع جنينة وورد وشجر فاكهة”.
حديث وفاء هذا جاء خلال حلولها ضيفةً على برنامج “الستات”، الذي تقدّمه الإعلاميتان مفيدة شيحة وسهير جودة عبر قناة “النهار”.